Smithsonian Channel’ning YouTube’dagi kanali uzunligi uch metr bo‘lgan Avstraliya qirmizi chuvalchangi (Eunice aphroditois)ning ov qilishi aks etgan videoni e’lon qildi.
Yirtqich hisoblangan bu chuvalchang tropik suvlarda, 10—40 metr chuqurlikda ov qiladi. U ov vaqtida qum ichiga yashirinadi va o‘lja yaqinlashgan paytda unga to‘satdan tashlanadi. So‘ng o‘ljaga uni falajlovchi yoki o‘ldiruvchi zaharni yuboradi.
Avstraliya qirmizi chuvalchangining ko‘rish va eshitish organlari mavjud emas. U o‘ljani suvning tebranish to‘lqinini tutuvchi beshta mo‘ylovi orqali sezadi.
Bu chuvalchangning odamga hujum qilgani holatlari shu vaqtgacha hali biror marta qayd etilmagan.
Izoh (0)