Кембриж университетининг педагогика факультети лего-профессор изламоқда. Бу иш ўрни учун изланаётган номзод нафақат легодан яхши ракеталар ясай олиши, балки ўйинлар соҳасида ўз изланишларига эга бўлиши, шунингдек етакчилик сифатларига эга бўлиши лозим, деб хабар беради Meduza.
Бўлажак ўқитувчи Таълим, ривожланиш ва ўқитиш соҳасида ўйинларни ўрганиш марказида ишлайди. Бу марказ Lego жамғармаси томонидан университетнинг педагогика факультети асосида ташкил этилган. Марказ ўйинларнинг таълимдаги аҳамиятини, шунингдек ўйинли ёндашувларнинг ўз-ўзини назорат қилиш, болаларда жамоавий ишлаш ва фикрлашни ривожлантиришга таъсирини ўрганади.
Тадқиқотчига «рақобатбардош» иш ҳақи ваъда қилинган, шунингдек у Кембриж университети ўқитувчиларига берилган барча имтиёзлардан фойдалана олади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)