Britaniya bosh vaziri Tereza Mey 17-yanvar, seshanba kuni mamlakatning Yevropa tovarlar va xizmatlar bozorini tark etish hamda Yevroittifoq bilan yangidan hamkorlik shartlari haqida muzokaralarni boshlash niyatlari haqida ma’lum qiladi, deb yozadi “Interfaks” Bloomberg’ga tayanib. Shu tariqa, Buyuk Britaniya savdo blokidan “qisman chiqish, qisman yo‘q” g‘oyasidan voz kechadi.
OAVlar keltirayotgan nutq parchalariga ko‘ra, London Bryussel bilan bojxona ittifoqi haqida muzokaralar olib boradi, bu Londonga boshqa mamlakatlar va bloklar bilan erkin savdo haqida bitimlar tuzish imkonini beradi.
Bosh vazir Londonning chegaralar va qonunchilik jarayoni ustidan nazoratni tiklash niyatini tasdiqlaydi. “Biz Yevroittifoq chegarasidan tashqarida turib, immigratsiyani nazorat qila olamiz, Buyuk Britaniyaga Yevroittifoqning boshqa mamlakatlaridan kelayotgan kishilar uchun qoidalar o‘rnata olamiz”, — degan edi u yaqinda bergan intervyusida.
Izoh (0)