Британия бош вазири Тереза Мэй 17 январь, сешанба куни мамлакатнинг Европа товарлар ва хизматлар бозорини тарк этиш ҳамда Евроиттифоқ билан янгидан ҳамкорлик шартлари ҳақида музокараларни бошлаш ниятлари ҳақида маълум қилади, деб ёзади «Интерфакс» Bloomberg’га таяниб. Шу тариқа, Буюк Британия савдо блокидан «қисман чиқиш, қисман йўқ» ғоясидан воз кечади.
ОАВлар келтираётган нутқ парчаларига кўра, Лондон Брюссель билан божхона иттифоқи ҳақида музокаралар олиб боради, бу Лондонга бошқа мамлакатлар ва блоклар билан эркин савдо ҳақида битимлар тузиш имконини беради.
Бош вазир Лондоннинг чегаралар ва қонунчилик жараёни устидан назоратни тиклаш ниятини тасдиқлайди. «Биз Евроиттифоқ чегарасидан ташқарида туриб, иммиграцияни назорат қила оламиз, Буюк Британияга Евроиттифоқнинг бошқа мамлакатларидан келаётган кишилар учун қоидалар ўрната оламиз», — деган эди у яқинда берган интервьюсида.
Изоҳ (0)