Hindiston TIV Amazon’ni milliy bayrog‘i tasviri tushirilgan sholchalarni sotuvdan chiqarishga majbur qildi

Hindiston tashqi ishlar vaziri Amazon xodimlarining vizalarini bekor qilish tahdidi bilan kompaniyadan Hindiston milliy bayrog‘i tasvirlangan sholchalarni sotuvdan chiqarishni talab qildi. Amazon ushbu talabni bajardi, deb xabar beradi TJournal.

11-yanvar kuni Hindiston trikolori aks etgan tovarlar Atul Bhobe nikli foydalanuvchi tomonidan Twitter’ga joylashtirildi. U fotosuratlarni mamlakat tashqi ishlari vaziri Sushma Svarajga yo‘llab, choralar ko‘rishni so‘radi.

Bir necha soatdan so‘ng Svaraj xonim bir necha tvitlarda Amazon’ga tahdid qildi. U Kanadaning Hindistondagi oliy komissiyasidan vaziyatga e’tibor qaratishni talab qildi, shuningdek, kompaniyani kechirim so‘rashga chaqirdi.

Amazon must tender unconditional apology. They must withdraw all products insulting our national flag immediately. /1

— Sushma Swaraj (@SushmaSwaraj) January 11, 2017

If this is not done forthwith, we will not grant Indian Visa to any Amazon official. We will also rescind the Visas issued earlier.

— Sushma Swaraj (@SushmaSwaraj) January 11, 2017

Ayni paytda sholchalar sotuvda yo‘q, buni, Amazon’dagi manbalariga asoslanib, Reuters ma’lum qilmoqda.