Qandahor shahar ma’muriyati qabullar uyida Birlashgan Arab amirliklarining Afg‘onistondagi elchisi va shahar gubernatori o‘rtasidagi uchrashuv chog‘ida ro‘y bergan portlash oqibatida 9 kishi halok bo‘ldi, 16 kishi yaralandi. Bu haqda “RBK” xabar bermoqda.
O‘zi ham jarohat olgan gubernatorning matbuot kotibi Humoyun Aziziyga ko‘ra, hodisa tufayli BAA elchisi, amirlikning yana bir vakili va Qandahor gubernatori yaralandi.
Elchining 4 nafar tansoqchisi halok bo‘ldi. Jarohatlanganlar Qandahor gospitaliga yetkazildi.
Eslatib o‘tamiz, oldinroq mamlakat poytaxti Kobulning Dorulomon tumanida “Tolibon” tomonidan uyushtirilgan teraktlar tufayli 38 kishi halok bo‘lgani bildirilgandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)