1939-yilda dunyoda birinchi bo‘lib Ikkinchi jahon urushi boshlangani haqida xabar bergan britaniyalik harbiy jurnalist ayol Kler Xollinguort 105 yoshida vafot etdi, deb yozadi “Interfaks”.
Britaniya OAVlariga ko‘ra, u so‘nggi 30 yildan buyon Gonkongda yashab kelgan va o‘sha yerda vafot etgan.
Xollinguort 1939-yil sentabrida Polshadan Germaniyaga safar qilgan vaqtda Germaniya qo‘shinlarining Polshaga bostirib kirishiga bevosita guvoh bo‘lgan, shundan so‘ng matbuotda o‘zi ko‘rgan voqea haqida xabar bergan.
Jurnalistlik karyerasi davomida Xollinguort Vyetnam, Jazoir, Hindiston, Pokiston va Yaqin Sharqda ishlagan, shuningdek, Xitoydagi Madaniy inqilob voqealarini yoritgan.
Izoh (0)