Tailandning janubiy provinsiyalariga yopirilgan kuchli toshqinlar tufayli yuzlab sayyohlar Samui orolini tark etolmayapti. Bu haqda “TASS” xabar bermoqda.
Ko‘pchiligi mamlakat poytaxti Bangkokka uchishi lozim bo‘lgan yo‘lovchilarga chiptalar faqat 10-yanvar kuniga almashtirib berilmoqda. Tailandning eng nufuzli kurortlaridan sanaladigan Samui orolidagi aeroport ob-havodan kelib chiqib ishlamoqda. 15 ta reysning qo‘nishi va parvozi kechiktirildi, o‘nlab reyslar bekor qilindi.
Samuida oxirgi ikki kundan beri shiddatli yomg‘ir to‘xtamayapti, ko‘plab yo‘llar suv ostida qoldi, ayrim joylarda suv yerdan yarim metrgacha ko‘tarildi. Jumladan, orolning aksariyat yirik mehmonxonalari joylashgan Chavenga tumanini suv bosdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)