AQShning Fort-Loderdeyl shahri (Florida shtati) aeroportida uyushtirilgan otishma oqibatida 5 kishi halok bo‘ldi, 8 kishi jarohatlandi. Bu haqda “TASS” xabar bermoqda.
“Aeroportda haqiqiy sarosima hukm surmoqda. Nima bo‘layotganini tushunmadik, politsiya nima deb qichqirayotganini eshitmadik. Otishma aeroport pastki qavatidagi yuk bo‘limida yuz berdi”, — deya ma’lum qildi voqea joyida bo‘lgan CNN muxbiri.
O‘q uzgan erkak qo‘lga olindi, uni Federal qidiruv byurosi xodimlari so‘roq qilmoqda. Senator Bill Nelson CNN telekanali efirida hujum qilgan shaxsning yonidan Esteban Santyago nomiga berilgan harbiy guvohnoma topilganini bildirdi.
Associated Press agentligiga ko‘ra, o‘tgan yil noyabrida erkak FQB bilan ko‘rishgan va o‘shanda “aql-idrokini AQSh hukumati nazorat qilayotgani”, rasmiylar go‘yo uni “IShID videolavhalarini ko‘rishga majburlayotgani”ni ma’lum qilgan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)