Isroil politsiyasi 5-yanvar, payshanba kuni mamlakat bosh vaziri Binyamin Netanyaxuni korrupsiya haqidagi ish bo‘yicha ikkinchi marta so‘roq qildi, deb yozadi Reuters.
Huquq-tartibot organlari xodimlari hukumat rahbarining Quddusdagi qarorgohiga 5-yanvar kuni kelib, u yerda qariyb besh soat davomida bo‘ldi.
Politsiyadagilar ta’kidlashicha, ushbu “so‘roq boshqa ishga ham aloqador bo‘lgan”, mazkur ish bo‘yicha ikkinchi gumonlanuvchi avvalroq ko‘rsatmalar bergan.
Netanyaxu birinchi marta 3-yanvar kuni so‘roqqa tutilgan edi. 3 soat davom etgan so‘roq “tadbirkorlardan olingani gumon qilingan sovg‘alar”ga oid bo‘lgan. Netanyaxuning o‘zi korrupsiyada ayblovlarni rad etdi va raqiblarini “bayram qilishga shoshilmaslik”ka chaqirdi.
Izoh (0)