Исроил полицияси 5 январь, пайшанба куни мамлакат бош вазири Биньямин Нетаньяхуни коррупция ҳақидаги иш бўйича иккинчи марта сўроқ қилди, деб ёзади Reuters.
Ҳуқуқ-тартибот органлари ходимлари ҳукумат раҳбарининг Қуддусдаги қароргоҳига 5 январь куни келиб, у ерда қарийб беш соат давомида бўлди.
Полициядагилар таъкидлашича, ушбу «сўроқ бошқа ишга ҳам алоқадор бўлган», мазкур иш бўйича иккинчи гумонланувчи аввалроқ кўрсатмалар берган.
Нетаньяху биринчи марта 3 январь куни сўроққа тутилган эди. 3 соат давом этган сўроқ «тадбиркорлардан олингани гумон қилинган совғалар»га оид бўлган. Нетаньяхунинг ўзи коррупцияда айбловларни рад этди ва рақибларини «байрам қилишга шошилмаслик»ка чақирди.
Изоҳ (0)