Amerikalik aktyor Tom Xenks muxlisasi garovda g‘olib chiqishi uchun uning surati bilan selfiga tushdi. Bu haqda Mashable xabar bermoqda.
Kanadaning Toronto shahrida yashovchi Zena Gopalning aytishicha, u do‘stlari bilan kim birinchi bo‘lib Tom Xenks bilan suratga tusha olishi borasida garov o‘ynagan. Garovda g‘olib chiqishni niyat qilgan qiz aktyorga lama bilan tushgan selfisi va garov shartlari yozilgan xatni yo‘llagan.
Oradan taxminan uch hafta o‘tib, aktyordan kerakli fotosurat ilova qilingan javob kelgan. Konvertda yozuv mashinkasida bitilgan xat ham bo‘lib, unda Xenks soqoli olinmagani uchun uzr so‘ragan. Uning tushuntirishicha, navbatdagi filmda suratga tushishi uchun unga soqol va mo‘ylov kerak edi. Shuningdek, aktyor Toronto haqida ham iliq fikrlar bildirgan.
“Torontomi? ham ajoyib shahar. Tez o‘sayapti, ayniqa, sohil bo‘yidagi haligi osmono‘par binolar. O‘ylashimcha, u yerdan chiroyli manzaralar ko‘rinadi. So‘nggi bor sizlarning shahringizda kinofestival vaqtida bo‘lgandim”, - deb yozgan Tom Xenks.
CBC’ga bergan intervyusida Gopal aktyorning javobidan “mutlaq falaj” bo‘lib qolganini aytib o‘tdi.
“Bu javob xati meni kulishga majbur qilib, butun kun kayfiyatim yuqori bo‘lishiga sabab bo‘ldi. U muxlislaridan kelgan xatlarni o‘qishining o‘zi-da ajoyib!”, - dedi Zena Gopal.
Sentyabr oyida Xenks xiyobon bo‘ylab yugurish chog‘ida notanish kelin-kuyovning to‘y fotosessiyasida qatnashgan edi. U yoshlarni qutlab, ko‘p o‘tmay ijtimoiy tarmoqlardagi sahifalarida ular bilan birga tushgan selfisini e’lon qilgandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)