Xonanda Sevinch Mo‘minova “Shok.uz” saytiga bergan intervyusida turmush o‘rtog‘i Sharof Muqimov bilan ayni paytdagi munosabatlari haqida so‘zlab berdi. Bu haqda “Darakchi.uz” xabar bermoqda.
“Bir narsani aniq aytaman — biz hali qonunan ajrashganimiz yo‘q. Turmush qurganimizga olti yil bo‘ldi. O‘rtada har bir oilada bo‘lib turadigan turli gap-so‘zlar bo‘ldi. Orada alohida yashadik. Hozir ham alohida yashayapmiz”, — dedi Sevinch Mo‘minova.
“Lekin farzandimni otasiga ko‘rsataman. Kerak bo‘lsa, qizimizni birga bolalar maydonchasiga olib boramiz. Bu borada xudbinlik qilishni xohlamayman. Turmush o‘rtog‘imga xusumatim yo‘q, alamimni bola orqali olishni istamayman”, — dedi xonanda va aktrisa.
“Munosabatimiz, salom-aligimiz hali ham yaxshi. Chunki u farzandimning otasi, shuning uchun ham hurmat qilaman. Farzandimni otasidan mahrum qilish niyatim yo‘q. O‘ylashimcha, farzandga baribir ota kerak”, — deydi Sevinch.
“Ertaga nima bo‘lishini bilmayman, mabodo biz qonunan ajrashib ketsak ham, hali turmushga chiqish niyatim yo‘q. Chunki qizimga ota bo‘la oladigan insonni uchratishni oson deb o‘ylamayman”, — deya qo‘shimcha qildi xonanda va aktrisa.
Ma’lumot uchun, xonandalar Sevinch Mo‘minova va Sharof Muqimov 2010-yilda turmush qurgan. Ularning Leyla ismli qizi bor.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)