Хонанда Севинч Мўминова «Shok.uz» сайтига берган интервьюсида турмуш ўртоғи Шароф Муқимов билан айни пайтдаги муносабатлари ҳақида сўзлаб берди. Бу ҳақда «Darakchi.uz» хабар бермоқда.
«Бир нарсани аниқ айтаман — биз ҳали қонунан ажрашганимиз йўқ. Турмуш қурганимизга олти йил бўлди. Ўртада ҳар бир оилада бўлиб турадиган турли гап-сўзлар бўлди. Орада алоҳида яшадик. Ҳозир ҳам алоҳида яшаяпмиз», — деди Севинч Мўминова.
«Лекин фарзандимни отасига кўрсатаман. Керак бўлса, қизимизни бирга болалар майдончасига олиб борамиз. Бу борада худбинлик қилишни хоҳламайман. Турмуш ўртоғимга хусуматим йўқ, аламимни бола орқали олишни истамайман», — деди хонанда ва актриса.
«Муносабатимиз, салом-алигимиз ҳали ҳам яхши. Чунки у фарзандимнинг отаси, шунинг учун ҳам ҳурмат қиламан. Фарзандимни отасидан маҳрум қилиш ниятим йўқ. Ўйлашимча, фарзандга барибир ота керак», — дейди Севинч.
«Эртага нима бўлишини билмайман, мабодо биз қонунан ажрашиб кетсак ҳам, ҳали турмушга чиқиш ниятим йўқ. Чунки қизимга ота бўла оладиган инсонни учратишни осон деб ўйламайман», — дея қўшимча қилди хонанда ва актриса.
Маълумот учун, хонандалар Севинч Мўминова ва Шароф Муқимов 2010 йилда турмуш қурган. Уларнинг Лейла исмли қизи бор.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)