Liviyaning Afriqiyah Airways aviakompaniyasiga tegishli A320 laynerini olib qochgan shaxslar Maltaga qo‘nishdan so‘ng yo‘lovchilarni qo‘yib yuborishni boshladi. Bu haqda Sky News Arabia telekanali xabar bermoqda.
Yo‘lovchilarning aniq soni ma’lum qilinmayapti. Telekanalning Twitter’dagi sahifasida qoldirilgan xabarda ekipaj a’zolari hali ham samolyot bortida qolayotgani aytilgan. Mazkur axborot boshqa manbalar tomonidan tasdiqlanganicha yo‘q.
Avvalroq Malta bosh vaziri Jozef Muskat Twitter’dagi sahifasida ma’lum qilishicha, samolyot bortida 82 nafar erkak, 28 nafar ayol va 1 chaqaloq — jami 111 nafar yo‘lovchi bor.Afriqiyah Airways aviakompaniyasining A320 samolyoti mahalliy “Seba — Tripoli” yo‘nalishi bo‘ylab parvozni amalga oshirayotgan vaqtida olib qochildi.Samolyot Malta aeroportiga qo‘ndirilgan. Ba’zi xabarlarda samolyot bir kishi tomonidan, boshqalarida ikki kishi tomonidan olib qochilgani aytilmoqda.Samolyotni o‘g‘irlagan shaxslar qanday talablarni ilgari surayotgani haqida aniq ma’lumotlar yo‘q.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)