Ливиянинг Afriqiyah Airways авиакомпаниясига тегишли A320 лайнерини олиб қочган шахслар Мальтага қўнишдан сўнг йўловчиларни қўйиб юборишни бошлади. Бу ҳақда Sky News Arabia телеканали хабар бермоқда.
Йўловчиларнинг аниқ сони маълум қилинмаяпти. Телеканалнинг Twitter’даги саҳифасида қолдирилган хабарда экипаж аъзолари ҳали ҳам самолёт бортида қолаётгани айтилган. Мазкур ахборот бошқа манбалар томонидан тасдиқланганича йўқ.
Аввалроқ Мальта бош вазири Жозеф Мускат Twitter’даги саҳифасида маълум қилишича, самолёт бортида 82 нафар эркак, 28 нафар аёл ва 1 чақалоқ — жами 111 нафар йўловчи бор.Afriqiyah Airways авиакомпаниясининг A320 самолёти маҳаллий «Себа — Триполи» йўналиши бўйлаб парвозни амалга ошираётган вақтида олиб қочилди.Самолёт Мальта аэропортига қўндирилган. Баъзи хабарларда самолёт бир киши томонидан, бошқаларида икки киши томонидан олиб қочилгани айтилмоқда.Самолётни ўғирлаган шахслар қандай талабларни илгари сураётгани ҳақида аниқ маълумотлар йўқ.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)