Vashington shtatining saylashga vakil qilingan 4 nafar fuqarosi AQSh prezidentligiga Demokratlar partiyasidan nomzod Hillari Klinton uchun ovoz bermagani uchun 1000 dollar jarimaga tortildi. Shtat bosh kotibi vakili Devid Ammons ular 60 kun mobaynida jarimani to‘lashi, aks holda sudga berilishini bildirdi. Bu haqda “RIA Novosti” xabar bermoqda.
Qonunga ko‘ra, shtatning barcha 12 nafar saylashga vakil qilinganlari Vashingtonda g‘alaba qozongan Klinton uchun ovoz berishi kerak edi, biroq 19-dekabr kuni ulardan faqat 8 nafari shunday yo‘l tutdi. Ulardan uch nafari sobiq AQSh davlat kotibi Kolin Pauellga, yana biri Afrika Ishonch Burguti ismli hindu oqsoqoliga ovoz bergan.
Saylashga vakil qilinganlar kollegiyasi tarkibiga kiruvchi 538 kishidan jami 7 kishi (5 kishi Klinton, 2 kishi Tramp zarariga) mavjud qoidalarni buzdi. Bu kollegiyaning 23 a’zosi o‘z fikrini o‘zgartirgan 1836-yildan beri rekord ko‘rsatkich bo‘ldi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)