Olimlar yo‘l tarmog‘i quruqlik yuzasining 20 foizini egallashi va uning tabiatini 600 ming alohida bo‘lakka ajratib yuborganligini ma’lum qildi, deb yozadi TJournal.
Ming yillar davomida yo‘llar safarlar uchun sarflanadigan vaqtni qisqartirdi, kommunikatsiya, savdo va madaniy almashinuvni ta’minladi, biroq ekologiya tizimini qismlarga bo‘lib yuborib, ularning insoniyat oldidagi zaifligini oshirdi.
Yevropa olimlarining OpenStreetMap kraudsorsing kartografik loyihasi ma’lumotlaridan foydalanib, hosil qilgan hisob-kitoblari hozirgi paytga kelib Yerning quruqlik qismi 20 foizi yo‘l-transport tarmog‘i bilan band ekanligini ko‘rsatdi.
Yo‘llar nafaqat tabiiy landshaftni buzmoqda, balki o‘simliklarning kesilishiga sabab bo‘lib, havo, suv va tuproqning ifloslanishiga olib kelmoqda.
Pyer Ibix va uning hamkasblari baho berishicha, yo‘llar Yerni 600 ming bo‘limga bo‘lib yuborgan bo‘lib, ulardan yarmining maydoni 1 kvadrat kilometrdan kamroq, eng kenglari esa 100 kvadrat kilometr va undan ham ko‘proqni tashkil etadi.
Olimlarning so‘zlariga qaraganda, yo‘l tarmog‘i egallab olmagan eng katta maydonlar Amazonka deltasi, Sahroi Kabir, Sibir shimoli va Kanadaga to‘g‘ri keladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)