BBC One kanali 11-dekabr kuni “Yer sayyorasi II” hujjatli teleserialining so‘nggi qismi efirga uzatildi. Hozircha O‘zbekistondan turib mazkur serialni qonuniy yo‘l bilan tomosha qilish imkoni yo‘q, biroq bir butun fasli namoyishi davomida uning turli qiziqarli lavhalari tez-tez OAVning qiziqarli mavzularidan biriga aylandi. Meduza nashri “Yer sayyorasi” seriali ikkinchi faslining eng qiziqarli lavhalari — ilonlardan qochayotgan mashhur iguanadan tortib, romantik kapachi-qushgacha hammasini bir sahifaga jamladi.
“Yer sayyorasi II”ning so‘nggi qismi shahar muhitida yashab kelayotgan yovvoyi hayvonlarga bag‘ishlandi. Ariqlarga tiqilib qolgan toshbaqalar, kaptarlar, yenotlar, tunda go‘sht bozoriga hujum uyushtiradigan olachipor sirtlonlar, shuningdek, ehtirosli kapachi-qush mazkur qism qahramonlari bo‘ldi.
Nar kapachi-qush o‘z modasiga shahar ko‘chalaridan rang-barang chiqindilarni olib keladi. Plastik sanchqi va ovqat qadoqlaridan tashqari, ularning inida baxmal yurakcha ham paydo bo‘ladi.
https://twitter.com/BBCOne/status/808044992656773121
Shuningdek, serialning bu qismida sezilar-sezilmas tarzda shahar nazoratini o‘z qo‘liga olgan hind maymunlari haqida ham so‘z boradi. Ular nafaqat uy-joylarga bostirib kiradi, balki o‘tkinchilarning gazlangan suvlarini ham tortib oladi.
Bu esa “Yaylovlar” qismidagi antilopa bolasi. Tug‘ilganiga endigina uch soat bo‘lgan, biroq u o‘zining birinchi o‘kirishini olamga eshittirishga ulgurdi.
A three-hour-old antelope practises his “roar”…😂 #PlanetEarth2 pic.twitter.com/yyu9HFOoKY
— BBC One (@BBCOne) December 4, 2016
Baxmal to‘qimachi-qushlarning balandlikka sakrash bo‘yicha musobaqasi. Nar qushlar shu yo‘l bilan modalarning e’tiborini tortishga harakat qiladi. Modalar esa balandroq sakragan va chiroyliroq narni o‘ziga tanlaydi.
Kapibara yaguarning kayman timsohi tanovul qilishiga guvoh bo‘lib, hayratdan og‘zi ochilib qoldi va yulduzga aylandi.
https://twitter.com/King_Louis_XIX/status/800468707269033984
O‘ziga juft izlayotgan so‘qqabosh yalqov. Urg‘ochi yalqovning ovozini eshitib, u daraxtgacha suzib borib, unga ko‘tarildi, biroq keyin xafsalasi pir bo‘ldi — urg‘ochi yalqov yolg‘iz emas edi.
Tulkilar dala sichqonlarini tutib olish uchun qorga sho‘ng‘iydi. Biroq bu tulki noto‘g‘ri o‘rani tanlab qo‘ydi. Ketma-ket uch marta.
https://twitter.com/BBCEarth/status/805512037816274944
Butun boshli sherlar to‘dasi tomonidan ovlangan jirafa haqiqiy afsonaga aylandi. Jirafa o‘ziga hujum qilayotgan urg‘ochi sherni yer tishlatib, nari yugurib ketdi.
https://twitter.com/BBCOne/status/802967114323730432
Qor qoploni (ilvirs) — eng chiroyli va bashang yirtqichlardan biri. U Himolay tog‘larida, dengiz sathidan 6 ming metr balandlikda yashaydi.
Bu esa ijtimoiy tarmoqlar foydalanuvchilarning hayrati va olqishlariga sazovor bo‘lgan afsonaviy iguana. Yangi tug‘ilgan reptiliya uni tutib, yeb qo‘yish niyatida bo‘lgan o‘nlab ilonlar hamlasidan qochishga majbur bo‘ldi. U ilonlar changalidan omon chiqib, jonini saqlab qoldi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)