Amerikalik aktyor Robert De Niro 76-Kann kinofestivalida kinodagi ajoyib yutuqlari uchun faxriy “Oltin palma yaprog‘i”ni oldi, deb xabar beradi Variety.
Mukofotni unga hamkasbi Leonardo Di Kaprio topshirdi.
Nutqi davomida De Niro AQSHdagi demokratiya holati haqida tashvish bildirdi va sobiq prezident Donald Trampning xorijiy filmlarga 100 foiz tariflar joriy etish bilan tahdid qilganini esladi:
“Mening mamlakatimda bir vaqtlar o‘z-o‘zidan bo‘lishi mumkin deb hisoblangan demokratiya uchun jon-jahdimiz bilan kurashmoqdamiz. Va bu bizning hammamizga taʼsir qiladi, chunki sanʼat demokratikdir. Sanʼat inklyuzivdir. U odamlarni birlashtiradi, xuddi bugungi kunda bo‘lgani kabi. Sanʼat haqiqatni izlaydi, sanʼat xilma-xillikni qamrab oladi va shuning uchun sanʼat xavf tug‘diradi — shuning uchun biz avtokratlar va fashistlar uchun xavf tug‘diramiz ”, dedi aktyor.
De Niro butun dunyo bo‘ylab san’atkorlarni muhim ahamiyatga ega filmlar yaratishda davom etishga va siyosiy bosimga berilmasdan ijodiy erkinlikni himoya qilishga chaqirdi.
“Biz hozir harakat qilishimiz kerak. Zo‘ravonliksiz, lekin katta g‘ayrat va qatʼiyat bilan. Erkinlikka befarq bo‘lmagan barcha uchun uyushish, norozilik bildirish, saylov bo‘lganda esa, albatta, ovoz berish vaqti keldi”, dedi u.
Izoh (0)