Путин элчи Андрей Карловнинг дафн маросимида иштирок этиш учун матбуот анжуманини бошқа кунга кўчирди

Россия президенти Владимир Путин Туркияда ўлдирилган элчи Андрей Карлов билан видолашиш маросимида иштирок этиши туфайли унинг 22 декабрга мўлжалланган анъанавий катта матбуот анжумани қолдирилади. Бу ҳақда президентнинг матбуот котиби Дмитрий Песков маълум қилди, дея хабар беради «Газета.ru». 

«22 декабрь, пайшанбада Россиянинг Туркиядаги элчиси Андрей Карлов билан видолашиш ва дафн маросими ўтказилиши туфайли президент шу куни ҳар йиллик катта матбуот анжуманини ўтказмасликка қарор қилди. У мотам маросимларида иштирок этади», — дея таъкидлади матбуот котиби.

Песковга кўра, президентнинг матбуот анжумани эртасига, 23 декабрга кўчирилади. Журналистларнинг аккредитацияси ва тадбирни ўтказишнинг бошқа шартлари ўз кучида қолади.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.