BMT bosh kotibi Pan Gi Mun Donald Tramp iqlim bo‘yicha Parij bitimining muhimligini anglashiga va AQSh prezidenti lavozimida mamlakatning ushbu xalqaro shartnomadan chiqib ketishiga intilmasligiga umid qilmoqda. Bu haqda u BMT bosh qarorgohida rossiyalik jurnalistlarga bergan intervyusida ma’lum qildi, deb yozadi “TASS”.
Pan Gi Mun 11-noyabr kuni Donald Trampga qo‘ng‘iroq qilib, uni saylovlardagi g‘alabasi bilan tabriklagani va dolzarb masalalarni, shu jumladan, Parij bitimini muhokama qilganini eslatdi. Bosh kotib so‘zlariga ko‘ra, u saylangan prezident shartnomaning AQSh tomonidan ratifikatsiyasini bekor qilishi xavfidan xabardor, ammo shu bilan birga, amerikalik diplomatning u “ochiq fikrlashi” haqidagi so‘zlarini e’tiborga olgan va bu borada uzil-kesil bir qarorga kelmagan.
Pan Gi Mun hujjat matnini tayyorlashda mamlakatlar hukumatlaridan tashqari, biznes va fuqarolik jamiyati vakillari ham qatnashganini ta’kidladi. “Ularning uch tomonlama sherikligi va o‘zlariga olgan majburiyatlari iqlim bo‘yicha ushbu kelishuvni ro‘yobga chiqardi. Umid qilamanki, saylangan prezident Donald Tramp bu jarayonni orqaga qaytarib bo‘lmasligini anglaydi; men shunday deb hisoblayman”, — dedi u.
Izoh (0)