Xitoy mudofaa vazirligi AQShga oldinroq Janubiy Xitoy dengizida qo‘lga olingan suv osti dronini qaytarib berganini ma’lum qildi. Pentagon matbuot kotibi Piter Kuk mazkur ma’lumotni tasdiqladi, deya xabar beradi “TASS”.
“Xitoy va Amerika tomonining do‘stona maslahatlashuvlaridan so‘ng qurilma 20-dekabr, seshanba kuni qaytarib berildi. AQSh harbiy-dengiz kuchlarining USS Mustin kemasi uni Filippindagi Subik-bey bazasidan taxminan 50 mil shimoli-g‘arbdagi xalqaro suvlarda qabul qilib oldi”, — deya ta’kidladi Kuk.
Pentagon matbuot kotibiga ko‘ra, AQSh ushbu hodisani o‘rganishda davom etadi. Xitoy harbiy-dengiz kuchlari harakati esa “xalqaro qonunlar va harbiy dengizchilarning o‘zini tutish qoidalariga to‘g‘ri kelmaydi”.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)