Россия, Эрон ва Туркия ташқи ишлар вазирлари Сурия бўйича баёнотни келишиб олди, деб ёзади «Интерфакс» Россия ташқи ишлар вазири Сергей Лавровга таяниб.
«Биз Эрон Ислом Республикаси, Россия Федерацияси, Туркия Республикаси ташқи ишлар вазирларининг Суриядаги низоларга барҳам бериш мақсадида сиёсий жараённи жонлантиришга қаратилган чора-тадбирлар бўйича қўшма баёнотини келишиб олдик», — деди Лавров уч томонлама учрашув якунлари бўйича ташкил қилинган матбуот анжуманида.
У баёнотда Сурия араб республикасининг суверенитети, мустақиллиги, бирлиги ва ҳудудий дахлсизлиги ҳурмат қилиниши тасдиқланишини қўшимча қилди.
«Шуни таъкидламоқчиманки, келишувларга эришишга биз билан параллел тарзда учрашган мудофаа вазирлари ҳам ҳисса қўшди», — деди Россия ТИВ раҳбари.
Лавровнинг қўшимча қилишича, ташқи ишлар вазирлари Суриядаги низони ҳарбий йўл билан ҳал қилиб бўлмаслигига ишончи комил.
Изоҳ (0)