Yevropa Chempionlar Ligasi g‘olibi sifatida klublar o‘rtasidagi Jahon Chempionatida ishtirok etayotgan Madridning “Real” futbol klubi finalning asosiy vaqtini o‘z foydasiga hal qila olmadi.
Yaponiya chempioni sifatida musobaqaga taklif etilgan va Osiyo klublari tarixida ilk bor turnir finaliga qadar yetib kelgan “Kashima Antlers” finalning asosiy vaqtida “Real” bilan 2:2 hisobida durang o‘ynadi. Shibasakining ikki goli “Kashima”ga g‘alaba tortiq qilishi ham mumkin edi. Biroq Krishtianu penaltini aniq amalga oshirib, “Real”ni mag‘lubiyatdan qutqarib qoldi.
Ma’lumot uchun, “Real” klublar o‘rtasidagi Jahon Chempionatida 1 marta g‘olib chiqqan. “Barselona”da esa bunday sovrinlar soni 3 tani tashkil qiladi.
“Real” ikkinchi chempionlik yo‘lida Meksikaning “Amerika” klubini 2:0 hisobida taslim qilishga muvaffaq bo‘lgandi. “Kashima Antlers” klubi esa finalga qadar Yangi Zelandiyaning “Oklend Siti” klubini 2:1, Afrika chempionini 2:0, Kolumbiyaning “Atletiko Nasyonal” klubini esa 3:0 hisoblarida mag‘lub etgandi.
Musobaqada Osiyo chempioni sifatida ishtirok etgan Janubiy Koreyaning “Chonbuk Motors” futbol klubi chorak finalda Meksika jamoasidan 1:2 hisobida yengilgandi. Turnirning 5-o‘rin uchun kechgan o‘yinida esa Afrika chempioni 4:1 hisobida taslim qilingan.
Klublar mundiali Final 18-dekabr, yakshanba
Izoh (0)