Европа Чемпионлар Лигаси ғолиби сифатида клублар ўртасидаги Жаҳон Чемпионатида иштирок этаётган Мадриднинг «Реал» футбол клуби финалнинг асосий вақтини ўз фойдасига ҳал қила олмади.
Япония чемпиони сифатида мусобақага таклиф этилган ва Осиё клублари тарихида илк бор турнир финалига қадар етиб келган «Кашима Антлерс» финалнинг асосий вақтида «Реал» билан 2:2 ҳисобида дуранг ўйнади. Шибасакининг икки голи «Кашима»га ғалаба тортиқ қилиши ҳам мумкин эди. Бироқ Криштиану пенальтини аниқ амалга ошириб, «Реал»ни мағлубиятдан қутқариб қолди.
Маълумот учун, «Реал» клублар ўртасидаги Жаҳон Чемпионатида 1 марта ғолиб чиққан. «Барселона»да эса бундай совринлар сони 3 тани ташкил қилади.
«Реал» иккинчи чемпионлик йўлида Мексиканинг «Америка» клубини 2:0 ҳисобида таслим қилишга муваффақ бўлганди. «Кашима Антлерс» клуби эса финалга қадар Янги Зеландиянинг «Окленд Сити» клубини 2:1, Африка чемпионини 2:0, Колумбиянинг «Атлетико Насьональ» клубини эса 3:0 ҳисобларида мағлуб этганди.
Мусобақада Осиё чемпиони сифатида иштирок этган Жанубий Кореянинг «Чонбук Моторс» футбол клуби чорак финалда Мексика жамоасидан 1:2 ҳисобида енгилганди. Турнирнинг 5-ўрин учун кечган ўйинида эса Африка чемпиони 4:1 ҳисобида таслим қилинган.
Клублар мундиали Финал 18 декабрь, якшанба
Изоҳ (0)