Lexus kompaniyasi Rojdestvoga bag‘ishlab, xohlovchilarni AQShdagi Willow Springs avtodromida RC-F GT3 poyga kupesida sayr qildirayotgan Santa-Klaus haqidagi videoni e’lon qildi. “Motor” nashrining yozishicha, mazkur videorolik yakunlari bo‘yicha Lexus 100 ming dollarni xayriya maqsadlari uchun ajratgan.
Videoda “Leksus”ni Santa-Klaus libosini kiygan NASCAR, Trans-Am va Grand-Am seriyalaridagi poygalarda qatnashuvchi poygachi Skott Pruett boshqargan.
Avtomobil yo‘lovchilari trek bo‘ylab tezkor aylanish vaqtida bolalar Rojdestvo uchun olishni istagan sovg‘alar ro‘yxatini o‘qishi lozim edi.
Har bir o‘qilgan qator uchun Lexus xayriyaga yo‘naltiriladigan umumiy mablag‘ga ming dollardan qo‘shib bergan.
Xayriya mablag‘i Toys for Tots notijorat tashkiloti hisobiga o‘tkazib berilgan. 1947-yildan faoliyat ko‘rsatadigan mazkur muassasa farzandlari uchun sovg‘a olishga qurbi yetmaydigan kam ta’minlangan oilalarga yordam ko‘rsatadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)