Amerikalik aktrisa Juliya Roberts teleserialda rol ijro etadi. Bu haqda The Hollywood Reporter xabar bermoqda, deb yozadi “Gazeta.ru”.
Loyihaga Mariya Semplning joriy yilning oktabrida chiqarilgan “Bugun boshqacha bo‘ladi” kitobi asos qilib olindi. Nashr qilish huquqini Annapurna Pictures studiyasi sotib oldi. Ssenariyni Semplning o‘zi yozayapti. Uning ssenariynavislik va televideniyeda prodyusserlik tajribasi bor.
Bosh qahramon uyg‘ongandan so‘ng hayotidagi eng yaxshi kunini boshdan kechirishni istaydi, biroq bunday rejalardan voz kechishga majbur bo‘ladi.
Roberts — “Oskar” mukofoti laureati. U “Sohibjamol”, “Erin Brokovich”, “Oushenning o‘n bir do‘sti” filmlaridagi rollari bilan mashhur. Ushbu serialda aktrisa prodyusserlardan biri sifatida ham ishtirok etadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)