Janubiy Xitoyning Guansi-Chjuan avtonom tumani politsiyasi Binyan uyezdidagi 2 mingdan ortiq politsiyachi va uchuvchisiz uchish qurilmalari safarbar etilgan maxsus operatsiya chog‘ida 109 kishini qo‘lga oldi. Ular “telekommunikatsiya firibgarligi” deb nom olgan jinoyatlarda gumon qilinmoqda, deya xabar beradi “TASS”.
“Sinxua” agentligiga ko‘ra, ikki hafta davomida mintaqa huquq-tartibot idoralari shunga o‘xshash jinoyatlarda gumon qilib, 186 kishini qo‘lga oldi. Ulardan 200 kompyuter, 300 mobil telefoni, 600 dan ortiq bank kartasi va boshqa qurilmalar musodara qilindi.
Xitoy OAV huquqbuzarlar aldov yo‘li bilan telefon yoki internet yordamida pullarni qo‘lga kiritadigan jinoyatlarni “telekommunikatsiya firibgarligi” deb ataydi. Bu jarayonda ular o‘zlarini bank yoki investitsiya firmalari xodimlari sifatida tanishtiradi.
Xitoyda bunday kimsalarga chuv tushib aldanganlar huquq-tartibot idoralari harakatsizligiga qarshi namoyishlar o‘tkazishi yoki joniga qasd etishi bot-bot ro‘y bermoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)