Nigeriyada xudkush terrorchilar o‘zlarini bozorda portlatib yubordi: 56 kishi halok bo‘ldi

Nigeriya shimoli-sharqidagi Madagali shahrida sodir etilgan terakt natijasida 56 kishi halok bo‘ldi, yana 60 ga yaqin kishi yaralandi, deya xabar bermoqda “Korrespondent.net”.

Terakt kunning tig‘iz qismida odamlar bilan gavjum bo‘lgan bozorda yuz berdi. Ikki xudkush terrorchi ayol portlovchi qurilmalarni harakatga keltirdi.

“Ko‘pchilik odamlar juma namoziga chiqishga tayyorlanayotgan vaqtda, biz portlash ovozini eshitdik”, — dedi mahalliy amaldor Yusuf Muhammad.

Guvohlar so‘zlariga ko‘ra, jasadlarning ko‘pchiligi kuchli zarar ko‘rgan.

Hukumat teraktni Boko Haram ekstremistik guruhiga bog‘lamoqda.