AQSh tarixida ilk orbital parvozni amalni oshirgan astronavt Jon Glenn 95 yoshida hayotdan ko‘z yumdi. Bu haqda Columbus Dispatch xabar bermoqda.
Jon Glenn Ogayo shtatidagi shifoxonada yaqinlari davrasida vafot etdi.
1959-yil aprelida Glenn amerikalik astronavtlarning birinchi guruhi tarkibiga qabul qilingan va “Merkuriy” dasturi doirasida koinot parvozlariga tayyorgarlik ko‘rgandi. U Yuriy Gagarin va German Titovdan so‘ng orbital koinot parvozini amalga oshirgan dunyo tarixidagi uchinchi, AQShda esa ilk inson bo‘ldi. U 1962-yil 20-fevralda “Merkuriy-Atlas-6” kemasida uch bor Yer atrofida aylanib chiqdi. Qaytganidan so‘ng NASA tomonidan “Fidokorona xizmatlari uchun” medali bilan taqdirlandi.
Jon Glenn ikkinchi parvozini 1998-yilda 77 yoshida “Diskaveri” kemasida amalga oshirgan va koinotda bo‘lgan eng keksa kishiga aylangandi. Mazkur tajribadan maqsad koinotning qariyotgan organizmga ta’sirini o‘rganish bo‘lgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)