Janubiy Koreya parlamenti deputatlari mamlakat prezidenti Pak Kin Xening impichmenti bo‘yicha ovoz berish o‘tkazishga qaror qildi. Bu haqda, AP’ga asoslanib, “Vedomosti” xabar bermoqda.
Ovoz berish 9-dekabr kuni o‘tkazilishi mumkin. Impichment amalga oshishi uchun 300 deputatdan 200 nafari ovoz berishi lozim.
Impichment parlament tomonidan qabul qilingan taqdirda mamlakat oliy sudi 180 kun ichida Pak Kin Xening lavozimni tark etish-etmaslik masalasini uzil-kesil hal qilishi lozim.
Prezidentning dugonasi, uning saylovoldi kampaniyasida ishtirok etgan Kxve Sun Sil tanishlari va mansabini suiiste’mol qilgan holda tijoratchilardan pul undirgani ma’lum bo‘lganidan so‘ng Janubiy Koreyada ko‘tarilgan siyosiy janjal prezident impichmenti haqidagi masalaning kun tartibiga qo‘yilishiga olib keldi.
Izoh (0)