28-noyabr kuni Ariel Dezir Makrey ismli qiz Facebook’da uning turmush o‘rtog‘i tanlagan nikoh uzuklarini juda arzon deb atagan sotuvchi qiz haqida yozdi. Ijtimoiy tarmoq foydalanuvchilari er-xotinni qo‘llab-quvvatladi va o‘zlarining turmush qurish tarixlari haqida gapirib bera boshladi, deb yozadi TJournal.
Xabarda Ariel turmush o‘rtog‘i bilan oladigan maoshlari ko‘p emasligi sababli u nikoh uzugi sotib olmoqchi bo‘lmaganini aytdi. Biroq eri uzuk sotib olish fikrida qat’iy turib olgach, birgalikda zargarlik do‘koniga borgan. U yerda juftlik 130 dollarlik uzukni tanlagan.
Ular buyurtmani rasmiylashtirayotgan vaqtda sotuvchi qizlardan biri ikkinchisiga shunday dedi: “Kimdir buni nikoh uzugi sifatida sotib olishiga ishona olasanmi? Qanday achinarli hol”.
Bunday gapni eshitib, qizning turmush o‘rtog‘i juda xafa bo‘lgan. Uning yuz ifodasi o‘zgarib, qizdan nikoh uzugi unga rostan yoqqan-yoqmaganligi haqida so‘ray boshlagan. Ariel sotuvchi qizga uzukning o‘zi emas, uni sotib olayotgan kishining muhabbati eng muhimi ekanligini aytgan.
Ayni paytda post 62 mingta layk va 52 mingta izoh to‘pladi. U haqda yirik xorijiy nashrlar yozib chiqdi. Endi Ariel turmush o‘rtog‘i bilan qanday tanishgani haqida yangi postlar ham yozmoqda.
Izoh (0)