28 ноябрь куни Ариэль Дезир Макрей исмли қиз Facebook’да унинг турмуш ўртоғи танлаган никоҳ узукларини жуда арзон деб атаган сотувчи қиз ҳақида ёзди. Ижтимоий тармоқ фойдаланувчилари эр-хотинни қўллаб-қувватлади ва ўзларининг турмуш қуриш тарихлари ҳақида гапириб бера бошлади, деб ёзади TJournal.
Хабарда Ариэль турмуш ўртоғи билан оладиган маошлари кўп эмаслиги сабабли у никоҳ узуги сотиб олмоқчи бўлмаганини айтди. Бироқ эри узук сотиб олиш фикрида қатъий туриб олгач, биргаликда заргарлик дўконига борган. У ерда жуфтлик 130 долларлик узукни танлаган.
Улар буюртмани расмийлаштираётган вақтда сотувчи қизлардан бири иккинчисига шундай деди: «Кимдир буни никоҳ узуги сифатида сотиб олишига ишона оласанми? Қандай ачинарли ҳол».
Бундай гапни эшитиб, қизнинг турмуш ўртоғи жуда хафа бўлган. Унинг юз ифодаси ўзгариб, қиздан никоҳ узуги унга ростан ёққан-ёқмаганлиги ҳақида сўрай бошлаган. Ариэль сотувчи қизга узукнинг ўзи эмас, уни сотиб олаётган кишининг муҳаббати энг муҳими эканлигини айтган.
Айни пайтда пост 62 мингта лайк ва 52 мингта изоҳ тўплади. У ҳақда йирик хорижий нашрлар ёзиб чиқди. Энди Ариэль турмуш ўртоғи билан қандай танишгани ҳақида янги постлар ҳам ёзмоқда.
Изоҳ (0)