Germaniyalik ekstremal dorboz Aleksand Shuls Meksika poytaxtida xaylayn (statsionar obyektlar o‘rtasida katta balandlikka o‘rnatilgan neylon yoki poliestr osma arqondan yurish sporti) bo‘yicha yangi jahon rekordini o‘rnatdi, deb yozadi “TASS”. Sportchi Mexikodagi eng baland binolar oralig‘iga 247 metr balandlikka o‘rnatilgan arqondan yurib o‘tdi.
Tajribali “xaylayner”, ushbu yo‘nalish bo‘yicha 17 ta jahon rekordini o‘rnatishga ulgurgan Shuls Meksikaga yordamchilar jamoasi bilan birga yetib keldi. Ular unga mamlakat poytaxtida joylashgan Torre Bankomer va Torre Reforma osmono‘par binolarini arqon bilan birlashtirishda yordam berdi. Uning uzunligi 217 metrni tashkil etdi. Ushbu masofani Shuls minglab tomoshabinlar ko‘z o‘ngida bosib o‘tdi.
“Sayr qilish” uchun u quyishli va shamolsiz kunni tanladi. Dovyurakligiga qaramay, 25 yoshli ekstremal ehtiyotdan himoya zanjiridan foydalanishiga to‘g‘ri keldi, aks holda Mexiko hukumati bunday aksiya o‘tkazilishiga yo‘l qo‘ymagan bo‘lardi.
Izoh (0)