O‘zbekiston Prezidenti saylovini yoritish bo‘yicha Respublika matbuot markazida 5-dekabr, dushanba kuni saylov yakunlari e’lon qilindi. Shu bilan birga, saylov natijalari e’lon qilinishi bilan, Prezidentlik uchun kurashda mag‘lubiyatga uchragan nomzodlar — Xalq demokratik partiyasidan Hotamjon Ketmonov, “Adolat” SDPdan Narimon Umarov, “Milliy tiklanish” DPdan Sarvar Otamuratov o‘z brifinglarini o‘tkazdi.
Respublika matbuot markazida bo‘lgan “Daryo” muxbiri Madina Nurman kunning eng muhim voqealaridan fotoreportaj tayyorladi.
4-dekabr, yakshanba kuni O‘zbekiston Prezidenti saylovi natijalari Markaziy saylov komissiyasi raisi Mirzo-Ulug‘bek Abdusalomov tomonidan e’lon qilindi.
Saylov yakunlari e’lon qilinganidan so‘ng, mag‘lub nomzodlarning brifinglari bo‘lib o‘tdi. Xususan, Xalq demokratik partiyasidan Prezidentlikka nomzod bo‘lgan Hotamjon Ketmonov mag‘lubiyatini tan olib, O‘zbekistonning yangi saylangan Prezidenti — Shavkat Mirziyoyevni birinchi bo‘lib tabrikladi.
Narimon Umarov esa u rahbarlik qilayotgan partiya — “Adolat” O‘zbekiston xalqining tanlovini hurmat qilishini bildirdi.
“Milliy tiklanish”dan Prezidentlikka nomzod bo‘lgan Sarvar Otamuratov esa Shavkat Mirziyoyevning “yuksak lavozimdagi faoliyatiga muvaffaqiyat tiladi”.
Brifingdan so‘ng, joriy saylovda Prezidentlikka eng yosh nomzod bo‘lgan Otamuratov bilan birga esdalikka suratga tushuvchilar ko‘p bo‘ldi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)