4-dekabr kuni bo‘lib o‘tgan Prezident saylovida O‘zbekiston Xalq demokratik partiyasidan nomzod sifatida ishtirok etgan Hotamjon Ketmonov Shavkat Mirziyoyevni g‘alaba bilan tabrikladi. Bu haqda “Daryo” muxbiri Madina Nurman ma’lum qildi.
“Avvalo, O‘zbekiston Xalq demokratik partiyasi Markaziy saylov komissiyasi tomonidan e’lon qilingan saylov natijalarini tan oladi”, — dedi saylovning dastlabki yakunlariga ko‘ra, saylovchilarning 3,73 foiz ovozini qo‘lga kiritgan Hotamjon Ketmonov.
“Bu jarayonda g‘olib bo‘lgan O‘zLiDePdan Prezidentlikka nomzod Shavkat Mirziyoyevni tabriklaymiz. U kishiga yurt tinchligi, Vatan ravnaqi, xalq farovonligi yo‘lidagi faoliyatlariga muvaffaqiyatlar tilaymiz”, — deya qo‘shimcha qildi Hotamjon Ketmonov.
Hotamjon Ketmonov saylovda uni qo‘llab-quvvatlab ovoz bergan saylovchilarga, shuningdek, partiya tarafdorlariga minnatdorchilik bildirdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)