Rossiya prezidenti Vladimir Putin 5-dekabr, dushanba kuni bo‘lib o‘tgan telefon suhbati vaqtida O‘zbekiston Prezidenti etib saylangan Shavkat Mirziyoyevni tabrikladi. Bu haqda Kreml matbuot xizmati xabar bermoqda.
Rossiya davlat rahbari Shavkat Mirziyoyevni O‘zbekiston Prezidenti saylovidagi ishonchli g‘alaba bilan qizg‘in tabrikladi va uning oliy davlat lavozimidagi faoliyatiga muvaffaqiyatlar tiladi.
Tomonlar O‘zbekiston—Rossiya ittifoqchilik va strategik hamkorlik munosabatlarini bundan keyin ham yanada mustahkamlash, shuningdek, turli sohalardagi o‘zaro manfaatli hamkorlik aloqalarini kengaytirish istagini bildirdi.
Vladimir Putin Shavkat Mirziyoyevni rasmiy tashrif bilan Rossiyaga kelishga taklif qildi. Kreml matbuot xizmatining qayd etishicha, mazkur taklif minnatdorlik bilan qabul qilingan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)