Ўзбекистон Президенти сайловини ёритиш бўйича Республика матбуот марказида 5 декабрь, душанба куни сайлов якунлари эълон қилинди. Шу билан бирга, сайлов натижалари эълон қилиниши билан, Президентлик учун курашда мағлубиятга учраган номзодлар — Халқ демократик партиясидан Ҳотамжон Кетмонов, «Адолат» СДПдан Наримон Умаров, «Миллий тикланиш» ДПдан Сарвар Отамуратов ўз брифингларини ўтказди.
Республика матбуот марказида бўлган «Дарё» мухбири Мадина Нурман куннинг энг муҳим воқеаларидан фоторепортаж тайёрлади.
4 декабрь, якшанба куни Ўзбекистон Президенти сайлови натижалари Марказий сайлов комиссияси раиси Мирзо-Улуғбек Абдусаломов томонидан эълон қилинди.
Сайлов якунлари эълон қилинганидан сўнг, мағлуб номзодларнинг брифинглари бўлиб ўтди. Хусусан, Халқ демократик партиясидан Президентликка номзод бўлган Ҳотамжон Кетмонов мағлубиятини тан олиб, Ўзбекистоннинг янги сайланган Президенти — Шавкат Мирзиёевни биринчи бўлиб табриклади.
Наримон Умаров эса у раҳбарлик қилаётган партия — «Адолат» Ўзбекистон халқининг танловини ҳурмат қилишини билдирди.
«Миллий тикланиш»дан Президентликка номзод бўлган Сарвар Отамуратов эса Шавкат Мирзиёевнинг «юксак лавозимдаги фаолиятига муваффақият тилади».
Брифингдан сўнг, жорий сайловда Президентликка энг ёш номзод бўлган Отамуратов билан бирга эсдаликка суратга тушувчилар кўп бўлди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)