“Milliy tiklanish” demokratik partiyasidan O‘zbekiston Prezidentligiga nomzod bo‘lgan Sarvar Otamuratov saylov natijalarini tan oldi. Bu haqda “Daryo” muxbiri Madina Nurman Saylovni yoritish bo‘yicha Respublika matbuot markazidan ma’lum qildi.
Sarvar Otamuratov 4-dekabr kuni bo‘lib o‘tgan O‘zbekiston Prezidenti saylovi “Vatanimiz tarixida qolishi shak-shubhasiz” ekanini aytib o‘tdi.
“Saylov kampaniyasi davrida menga yaqindan yordam bergan saylov shtabining barcha a’zolari va faollariga, saylovoldi uchrashuvlarida ishtirok etgan yurtdoshlarimizga va, eng muhimi, men uchun ovoz bergan saylovchilarga o‘zimning chuqur minnatdorchiligimni bildirmoqchiman”, — dedi Sarvar Otamuratov.
“Saylovda O‘zLiDePdan O‘zbekiston Prezidenti lavozimiga saylangan Shavkat Mirziyoyevning g‘alabasini tan olamiz va chin dildan qutlab, u kishining yuksak lavozimdagi faoliyatlariga muvaffaqiyat tilaymiz”, — deya qo‘shimcha qildi Otamuratov.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)