“Adolat” Sotsial-demokratik partiyasidan O‘zbekiston Prezidentligiga nomzod bo‘lgan Narimon Umarov partiya O‘zbekiston xalqining tanlovini hurmat qilishini ma’lum qildi. Bu haqda “Daryo” muxbiri Madina Nurman xabar berdi.
Saylovchilarning 3,46 foiz ovozini qo‘lga kiritgan Narimon Umarovning saylov yakunlari bo‘yicha o‘tkazgan brifingda ta’kidlashicha, “saylov natijalari partiya kutgan darajada bo‘lmadi, lekin bundan xafa emasmiz”.
“Ko‘ppartiyaviylik sharoitida, ochiq-oshkora, xalqaro andozalar va demokratik talablarga to‘la muvofiq tarzda bo‘lib o‘tgan mazkur saylov natijalarini tan olgan holda, uning adolatli bo‘lganini e’tirof etamiz va xalqimizning tanlovini hurmat qilamiz”, — dedi Narimon Umarov.
Narimon Umarov o‘zi rahbarlik qilayotgan partiya nomidan Shavkat Mirziyoyevni “xalq tomonidan bildirilgan yuksak ishonch” bilan tabrikladi.
“Ishonamizki, mamlakatimizning yangi saylangan Prezidenti xalqimiz farovonligi yo‘lida oldimizga qo‘ygan dasturiy maqsadlarimizni amalga oshirishda bizni ham qo‘llab-quvvatlaydi”, — dedi Narimon Umarov.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)