Мисрнинг Маликалар водийсида топилган мўмиёлаштирилган оёқ қисмлари афсонавий малика Нефертарига тегишли эканлиги маълум қилинди. Бу ҳақда «Корреспондент.net» хабар бермоқда.
Унинг мақбараси 1904 йилда топилган, мисршунос олимлар ўшанда мўмиёлаштирилган бир жуфт тиззани ҳам топганди. Бироқ узоқ вақт улар чиндан ҳам фиръавн Рамзес II нинг биринчи турмуш ўртоғига тегишли эканлиги ёки йўқлиги номаълум эди.
Тиззаларнинг кимга мансублигига ойдинлик киритиш мақсадида мўмиёлаштириш давомида фойдаланилган моддаларни ўрганиш учун кимёгарлар ва радиоуглерод услуб билан ёшни аниқловчи экспертлар жалб этилди.
Олимлар милоддан 1250 йил аввал вафот этган Нефертари жасадининг бошқа қолдиқларини ҳам топишга умид қилмоқда. Улар соҳибжамол маликанинг ҳозирча топилган ягона қолдиқлари тиззаси бўлиб чиққанини тақдирнинг аччиқ ҳазили деб атамоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)