O‘zbekistonda nazorat organlari faoliyatini aniqlangan qonunbuzarliklar, ko‘rilgan qonuniy choralar soni, shuningdek, davlat daromadiga aylantirilgan xo‘jalik subyektlari mulklari bo‘yicha baholashni taqiqlash rejalashtirilmoqda, deb yozadi “Gazeta.uz”. “Xo‘jalik subyektlari faoliyati ustidan davlat nazorati to‘g‘risida”gi qonunga kiritiladigan tuzatishlar loyihasi muhokama uchun Yagona interaktiv davlat xizmatlari portaliga joylandi.
Xo‘jalik subyektlari faoliyatini tekshiruvchi nazorat organlari ishining samaradorligini quyidagi mezonlar bo‘yicha aniqlash taklif qilinmoqda:
- xo‘jalik subyektlari tomonidan qonunchilik hujjatlariga rioya qilinishi samaradorligining oshishi, ular tomonidan tizimli qonunbuzarliklarga yo‘l qo‘yilmasligi;
- xo‘jalik subyektlari faoliyatini tekshirish chog‘ida yo‘l qo‘yilgan xatolarni to‘g‘rilash imkoniyatini taqdim etishga qaratilgan ishlarning amalga oshirilishi;
- xo‘jalik subyektlarini tekshiruv natijalariga ko‘ra likvidatsiyagacha olib borish hollari oldini olish.
Izoh (0)