O‘zbekiston Pokistonning Ashxobod bitimiga qo‘shilishga intilishini qo‘llab-quvvatlaydi. Bu haqda 26-noyabr, shanba kuni O‘zbekiston Bosh vaziri birinchi o‘rinbosari va Moliya vaziri Rustam Azimov Ashxobodda bo‘lib o‘tgan BMTning barqaror transport bo‘yicha Birinchi Global anjumanida aytib o‘tdi, deb yozadi UzDaily.
Rustam Azimov zamonaviy sharoitlarda O‘zbekiston—Turkmaniston—Eron—Ummon xalqaro transport yo‘lagini yaratish haqidagi Ashxobod bitimini amalga oshirish alohida ahamiyat kasb etishini aytdi.
Azimov Ashxobod bitimi Turkmaniston va O‘zbekiston rahbariyati tashabbusi bilan 2011-yil aprelida Ashxobodda imzolanganini eslatdi.
O‘zbekiston Bosh vaziri o‘rinbosari BMTning barqaror transport bo‘yicha Birinchi Global anjumani chog‘ida Pokiston bosh vaziri Navaz Sharif ushbu transport yo‘lagiga qo‘shilish istagini bildirganini qayd etdi.
Rustam Azimov O‘zbekiston ushbu taklifni qo‘llab-quvvatlashini bildirdi.
Izoh (0)