Fidel Kastroning Mayami (AQShning Florida shtati)da yashovchi singlisi Xuanita Kastro Kubaga akasining dafn marosimiga bormaydi. Bu haqda u 26-noyabr, shanba kuni Mayamida ispan tilida chiqadigan gazetaga ma’lum qildi, deb yozadi “TASS”.
“Mening dafn marosimida qatnashish uchun Kubaga jo‘nab ketganim haqidagi noto‘g‘ri mish-mishlar tufayli, men hech qachon orolga qaytmaganimni va bunday rejam ham yo‘qligini ma’lum qilmoqchiman”, — dedi Xuanita Kastro.
Shu bilan birga, u mafkuraviy ziddiyatga qaramay, akasining o‘limini g‘am-qayg‘u bilan qabul qilganini aytdi. Xuanita Kastro akasining o‘limidan keyin kubaliklar “pirovardida butun xalqni birlashtiradigan yo‘lni topishi”ga umid bildirdi.
Xuanita 1964-yilda Kubadan Mayamiga quvib yuborilgach, ko‘p bora Kuba hukumatiga qarshi tanqidlar bilan omma oldida chiqish qilgan. Keyinroq u 1961-yildan AQSh Markaziy razvedka qo‘mitasi bilan hamkorlik qilganini tan oldi.
Eslatib o‘tamiz, Kuba inqilobi yetakchisi sifatida tanilgan Fidel Kastro 90 yoshida olamdan ko‘z yumdi.
Izoh (0)