Qozog‘iston prezidenti Nursulton Nazarboyev BMT bosh kotibi lavozimiga tayinlangan Antoniu Guterrish bilan uchrashdi. Bu haqda Kazakhstan Today xabar bermoqda.
Oq o‘rda matbuot xizmatining ma’lum qilishicha, davlat rahbari BMT bosh kotibi lavozimiga tayinlanganligi munosabati bilan Guterrishni tabriklagan. Uchrashuv davomida tomonlar Qozog‘iston va tashkilot o‘rtasidagi samarali hamkorlikka ishonch bildirdi.
Qozog‘iston prezidenti Guterrish hozirgi paytda dunyoda yuzaga kelgan o‘ta murakkab geosiyosiy sharoitlarda ishlashiga to‘g‘ri kelishini ta’kidladi.
“Bosh kotib lavozimidagi murakkab faoliyatingizda Qozog‘istonning qo‘llab-quvvatlashiga to‘liq ishonishingiz mumkin”, — dedi Nazarboyev.
O‘z navbatida, Guterrish qochoqlar ishi bo‘yicha BMT oliy komissari lavozimidagi faoliyatiga iliq munosabati uchun Nursulton Nazarboyevga minnatdorlik bildirdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)