O‘zbekistonda 15-dekabr kuni qor yog‘ishi kutilmoqda

“O‘zgidromet” O‘zbekistonda 15-dekabr, yakshanba kuni ob-havo qanday bo‘lishi haqida maʼlumot berdi.

Toshkent shahrida havo bulutli bo‘ladi, yomg‘ir yog‘adi, qorga aylanadi. Yo‘llarda yaxmalak kuzatiladi. Sharqiy shamol yo‘nalishini o‘zgartirib, g‘arbdan 3-8 m/s tezlikda esadi, 10-12 m/s gacha kuchayishi mumkin. 

• Harorat kechasi va ertalab 1-3 daraja iliq, kunduzi 1-3 daraja sovuqqacha pasayadi.

Qoraqalpog‘iston Respublikasida havo biroz bulutli bo‘ladi, kechasi baʼzi joylarda biroz qor, kunduzi yog‘ingarchilik kutilmaydi. Shamol g‘arbdan 7-12 m/s tezlikda esadi, baʼzi joylarda 13-18 m/sekundgacha kuchayishi mumkin. 

• Harorat kechasi 5-10 daraja sovuq, kunduzi 2-7 daraja iliq bo‘ladi.

Xorazm viloyatida havo biroz bulutli bo‘ladi, kechasi baʼzi joylarda biroz qor, kunduzi yog‘ingarchilik kutilmaydi, tuman tushishi mumkin. Shamol g‘arbdan 7-12 m/s tezlikda esadi, baʼzi joylarda 13-18 m/sekundgacha kuchayishi mumkin. 

• Harorat kechasi 3-8 daraja sovuq, kunduzi 0-5 daraja sovuq bo‘ladi.

Buxoro va Navoiy viloyatlarida havo biroz bulutli bo‘ladi, yog‘ingarchilik (yomg‘ir, qor) baʼzi joylarda kuchli bo‘ladi. Shamol g‘arbdan 7-12 m/s tezlikda esadi, baʼzi joylarda 13-18 m/sekundgacha kuchayishi, ayrim joylarda baʼzida 20-25 m/s gacha kuchayishi mumkin. 

• Harorat kechasi va kunduzi 2 daraja sovuq, 3 daraja iliq bo‘ladi.

Toshkent, Sirdaryo, Samarqand va Jizzax viloyatlarida havo biroz bulutli bo‘ladi, yog‘ingarchilik (yomg‘ir, qor) baʼzi joylarda kuchli bo‘ladi. Shamol g‘arbdan 7-12 m/s tezlikda esadi, baʼzi joylarda 13-18 m/sekundgacha kuchayishi mumkin. 

• Harorat kechasi 0-5 daraja iliq, kunduzi 3 daraja sovuqqacha pasayadi.

Qashqadaryo va Surxondaryo viloyatlarida havo biroz bulutli bo‘ladi, yog‘ingarchilik (yomg‘ir, qor) baʼzi joylarda kuchli bo‘ladi. Shamol g‘arbdan 7-12 m/s tezlikda esadi, baʼzi joylarda 13-18 m/sekundgacha kuchayishi, ayrim joylarda baʼzida 20-25 m/s gacha kuchayishi mumkin. 

• Harorat kechasi 2-7 daraja iliq, kunduzi 2 daraja sovuqqacha pasayadi. 

Andijon, Namangan va Farg‘ona viloyatlarida havo biroz bulutli bo‘ladi, kunning ikkinchi yarmida yog‘ingarchilik (yomg‘ir, qor) bo‘ladi. Ayrim joylarga tuman tushishi mumkin. Shamol g‘arbdan 7-12 m/s tezlikda esadi, baʼzi joylarda 13-18 m/sekundgacha kuchayishi mumkin. 

• Harorat kechasi 0-5 daraja iliq, kunduzi 2 daraja sovuqqacha pasayadi.

Respublikaning tog‘li hududlarida havo biroz bulutli bo‘ladi, vaqti-vaqti blan qor yog‘adi, baʼzi joylarda kuchli bo‘ladi. Yo‘llarda yaxmalak kuzatiladi. Ayrim joylarga tuman tushishi mumkin. Shamol g‘arbdan 7-12 m/s tezlikda esadi, baʼzi joylarda 13-18 m/sekundgacha kuchayishi mumkin. 

• Harorat kechasi 0-5 daraja sovuq, kunduzi 8 daraja sovuqqacha pasayadi.