Rossiya va AQSh tashqi siyosiy mahkamalari rahbarlari Sergey Lavrov hamda Jon Kerri Suriyadagi tanglikni bartaraf etish masalalarini muhokama qilishni davom ettirdi. Telefon orqali muloqot 18-noyabr, juma kuni Amerika tomoni tashabbusi bilan bo‘lib o‘tdi, deya xabar beradi “TASS”.
“Peru poytaxti Limadagi Osiyo—Tinch okeani iqtisodiy hamkorligi forumi doirasida bo‘lib o‘tgan suhbatning rivoji sifatida Suriyadagi holat muhokamasi davom ettirildi. Asosiy e’tibor Sharqiy Aleppodagi vaziyatga qaratildi”, — deyiladi Rossiya TIV xabarida.
Suriyadagi vaziyat Lavrov va Kerrining Limadagi uchrashuvida asosiy mavzulardan biri bo‘lgandi.
“Aloqalar natija beryapti, biroq hammasi amerikaliklar biz bilan kelishuvlarini bajarolmaganligiga sabab bo‘lgan muammoga, ya’ni mo‘tadil muxolifatni ‘Jabhat an-Nusra’dan ajratishga kelib taqalyapti. Mazkur guruhni Asadga qarshi asosiy kuch sifatida saqlab qolish istagi namoyon bo‘layotganiga dalillar ko‘p va bizda ham shunday taassurot qolmoqda. Vaholanki, ‘Jabhat an-Nusra’ Qo‘shma Shtatlar, Rossiya va BMT tomonidan ham terrorchilar ro‘yxatiga kiritilgan. Shunday bo‘lsa-da, vaziyatdan chiqish yo‘llarini topishga harakat qilamiz. Jon Kerri ham bundan manfaatdor ko‘rinadi”, — deya ta’kidladi Lavrov.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)