AQSh prezidentligiga saylovlarda g‘alaba qozongan Donald Tramp, go‘yoki, u hukumat almashishiga tayyorgarlik jarayonida yuzaga kelayotgan masalalarni hal qilish bilan shug‘ullanayotgani uchun dunyo mamlakatlari yetakchilari unga qo‘ng‘iroq qilib tusha olmayotgani haqidagi ma’lumotlarni rad etdi, deb yozadi “TASS”.
O‘z Twitter’ida Tramp NYT gazetasida bu borada chop etilgan da’volarning haqiqatga to‘g‘ri kelmasligini ta’kidladi.
“NYT’dagi muvaffaqiyatsiz maqola hukumatning topshirilishi borasida mutlaqo noto‘g‘ri. U juda silliq kechadi, — deb yozdi Tramp. — Buning ustiga, men ko‘plab dunyo yetakchilari bilan suhbatlashishga ulgurdim”.
AQShning yangi saylangan prezidenti saylovlarda g‘olib chiqqach, Rossiya, Buyuk Britaniya, Xitoy, Saudiya Arabistoni, Yaponiya Avstraliya, Yangi Zelandiya va boshqa mamlakatlar yetakchilari bilan muloqot qilganini eslatdi.
Izoh (0)