АҚШ президентлигига сайловларда ғалаба қозонган Дональд Трамп, гўёки, у ҳукумат алмашишига тайёргарлик жараёнида юзага келаётган масалаларни ҳал қилиш билан шуғулланаётгани учун дунё мамлакатлари етакчилари унга қўнғироқ қилиб туша олмаётгани ҳақидаги маълумотларни рад этди, деб ёзади «ТАСС».
Ўз Twitter’ида Трамп NYT газетасида бу борада чоп этилган даъволарнинг ҳақиқатга тўғри келмаслигини таъкидлади.
«NYT’даги муваффақиятсиз мақола ҳукуматнинг топширилиши борасида мутлақо нотўғри. У жуда силлиқ кечади, — деб ёзди Трамп. — Бунинг устига, мен кўплаб дунё етакчилари билан суҳбатлашишга улгурдим».
АҚШнинг янги сайланган президенти сайловларда ғолиб чиққач, Россия, Буюк Британия, Хитой, Саудия Арабистони, Япония Австралия, Янги Зеландия ва бошқа мамлакатлар етакчилари билан мулоқот қилганини эслатди.
Изоҳ (0)